Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. fulminis, ut Borean pontus fugit, ut caua currunt
  2. nubila, cum pelago caelum permiscuit Eurus.
  3. procerae stabant, Celtarum signa, cohortes,
  4. prima acies. hos impulsu cuneoque feroci
  5. laxat uis subita, et fessos errore uiarum
  6. nec soli faciles longique laboris anhelos
  7. auertit patrius genti pauor. addere tergo
  8. hastas Ausonius teloque instare sequaci