Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. inque errore uiae tenebrarum munus ademptum.
  2. Lux urget panditque fugam. ruit acer apertis
  3. turbo equitum portis, atque omnis ferrea late
  4. tempestas operit campos. nondum arma manusque
  5. permixtae: iam tela bibunt praemissa cruorem.
  6. hinc iussae Poenum fugientem sistere pennae
  7. Dictaeae uolitant, hinc lancea turbine nigro
  8. fert letum cuicumque uiro, quem prenderit ictus.