Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. augebant animos argenti pondera et auri
  2. parta metalliferis longo discrimine terris.
  3. hinc noua complerunt haud tardo milite castra
  4. uenales animae, Rhodani qui gurgite gaudent,
  5. quorum serpit Arar per rura pigerrimus undae.
  6. iamque hieme adfecta mitescere coeperat annus:
  7. inde iter ingrediens rapidum per Celtica rura
  8. miratur domitas Alpis ac peruia montis