Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. non glaciem Arctoam, non experiere furentis
  2. ardorem Cancri nec mensas saepe cruento
  3. gramine compositas. aberunt sitis aspera et haustus
  4. sub galea puluis †partique minore† labores.
  5. sed current albusque dies horaeque serenae,
  6. et molli dabitur uictu sperare senectam.
  7. quantas ipse deus laetos generauit in usus
  8. res homini plenaque dedit bona gaudia dextra!