Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. magnum Dardaniae, Laeli, decus, omnia felix
  2. cui natura dedit, nullo renuente deorum
  3. ille foro auditus, cum dulcia soluerat ora,
  4. aequabat Pyliae Neleia mella senectae.
  5. ille, ubi suspensi patres et curia uocem
  6. posceret, ut cantu ducebat corda senatus.
  7. idem, cum subitum campo perstrinxerat auris
  8. murmur triste tubae, tanto feruore ruebat
  9. in pugnam atque acies, ut natum ad sola liqueret
  10. bella: nihil uitae peragi sine laude placebat.
  11. tunc et furtiua tractantem proelia luce
  12. deiecit Galam. sacris Carthaginis illum
  13. supposito mater partu subduxerat olim,
  14. sed stant nulla diu deceptis gaudia diuis.
  15. tunc Alabim Murrum atque Dracen demisit ad umbras,