Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. his umeris tibi opima feram.’ nec plura, sereno
  2. sanguineos fudit cum Iuppiter aethere rores
  3. atque atris arma aspersit non prospera guttis.
  4. uixdum finitis intrarant uocibus artas
  5. letiferi collis fauces, cum turba uolucris
  6. inuadunt Nomades iaculis nimboque feruntur
  7. aetherio similes, caeca fundente latebra
  8. armatos in bella globos. circumdata postquam
  9. nil restare uidet uirtus quod debeat ultra
  10. iam superis, magnum secum portare sub umbras
  11. nomen mortis hauet. tortae nunc eminus hastae
  12. altius insurgit, nunc saeuit comminus ense.
  13. forsan et enasset rapidi freta saeua pericli,
  14. ni telum aduersos nati uenisset in artus.
  15. tum patriae tremuere manus, laxataque luctu