Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. iam dudum certant in equos. Marcellus, ut arma
  2. aptantem natum aspexit laetumque tumultu,
  3. Vincis ait ‘nostros mirando ardore uigores.
  4. sit praematurus felix labor. urbe Sicana
  5. qualem te uidi, nondum permitteret aetas
  6. cum tibi bella, meo tractantem proelia uultu!
  7. huc, decus, huc, nostrum, lateri te iunge paterno
  8. et me disce nouum Martem temptare magistro.’