Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. moles illa uiri calidoque habitata Gradiuo
  2. pectora et haud ullis umquam tremefacta periclis,
  3. heu quantum Hannibalem clara factura ruina,
  4. procubuere. iacet campis Carthaginis horror,
  5. forsan Scipiadae confecti nomina belli
  6. rapturus, si quis paulum deus adderet aeuo.
  7. Collis Agenoreum dirimebat ab aggere uallum
  8. Ausonio (Dauni Mauors consederat aruis).