Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. instituunt festoque agitant conuiuia ludo.
  2. Laelius effatur: ‘Macte, o uenerande, pudici,
  3. ductor, macte animi. cedat tibi gloria lausque
  4. magnorum heroum celebrataque carmine uirtus.
  5. mille Mycenaeus qui traxit in aequora proras
  6. rector, et Inachiis qui Thessala miscuit arma,
  7. femineo socium uiolarunt foedus amore,
  8. nullaque tum Phrygio steterunt tentoria campo