Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. per subitum moto strepuere tonitrua mundo.
  2. tum uero capere arma iubent genibusque salutant
  3. summissi augurium: hac iret qua ducere diuos
  4. perspicuum et patrio monstraret semina signo.
  5. Certatim comites rerum bellique ministros
  6. adglomerant sese atque acris sociare labores
  7. exposcunt, laudumque loco est isdem esse sub armis.
  8. tum noua caeruleum descendit classis in aequor.