Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. auehere et paribus pelago diducere ab armis—
  2. Aetnaeo Polyphemus erat nutritus in antro
  3. atque inde antiquae nomen feritatis amabat.
  4. ubera praebuerat paruo lupa, corporis alti
  5. terribilis moles, mens aspera, uultus in ira
  6. semper et ad caedes Cyclopia corde libido.
  7. isque relaxatis membrorum pondere uinclis
  8. impulerat puppim et mergebat gurgite tonsas
  9. duxissetque ratem, pressa Laronius hasta
  10. ni propere duro nitentem exurgere uelox
  11. adfixet transtro. uix morte incepta remittit:
  12. namque manus seruat dum suetos languida ductus,
  13. ignauum summo traxit super aequore remum.
  14. Perculsi cuneo Poeni densentur in unum,
  15. quod caret hoste, latus, subito cum pondere uictus,