Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. aequoreis uictor cum classe Lutatius armis.
  2. si studium et saeuam cognoscere Hamilcaris umbram,
  3. ille est (cerne procul) cui frons nec morte remissa
  4. irarum seruat rabiem. si iungere cordi est
  5. conloquium, sine gustato det sanguine uocem.’
  6. atque ubi permissum et sitiens se impleuit imago,
  7. sic prior increpitat non mitis Scipio uultu:
  8. ‘Taliane, o fraudum genitor, sunt foedera uobis,
  9. aut haec Sicania pepigisti captus in ora?
  10. bella tuus toto natus contra omnia pacta
  11. exercet Latio et perruptis molibus Alpis
  12. eluctatus adest: feruet gens Itala Marte
  13. barbarico, et refluunt obstructi stragibus amnes.’
  14. post quae Poenus ait: ‘Decimum modo coeperat annum
  15. excessisse puer, nostro cum bella Latinis