Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. narrabat memori Diomedes condita mente)—
  2. sed Calchas Danais, nisi clausum ex sedibus arcis
  3. armisonae curent simulacrum auellere diuae,
  4. non umquam adfirmat Therapnaeis Ilion armis
  5. cessurum aut Ledae rediturum nomen Amyclas.
  6. quippe deis uisum, ne cui perrumpere detur
  7. effigies ea quas umquam possederit urbes.
  8. tum meus adiuncto monstratam euadit in arcem
  9. Tydides Ithaco et dextra amolitus in ipso
  10. custodes aditu templi caeleste reportat
  11. Palladium ac nostris aperit mala Pergama fatis.
  12. nam postquam Oenotris fundauit finibus urbem,
  13. aeger delicti Phrygium placare colendo