Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. castra locat, nulla laedens ubi gramina ripa
  2. Tutia deducit tenuem sine nomine riuum
  3. et tacite Tuscis inglorius adfluit undis.
  4. hic modo primores socium, modo iussa deorum,
  5. nunc sese increpitat: ‘Dic o, cui Lydia caede
  6. creuerunt stagna et concussa est Daunia tellus
  7. armorum tonitru, quas exanimatus in oras
  8. signa refers? qui mucro tuum, quae lancea tandem
  9. intrauit pectus? si nunc existeret alma
  10. Carthago ante oculos turrita celsa figura,
  11. quas abitus, miles, causas, inlaese, dedisses?
  12. ‘Imbres, o patria, et mixtos cum grandine nimbos