Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. aequarunt irae dextras. Dictaea per auras
  2. tranat et in medium perlabitur urbis harundo.
  3. laetatur non hortandi, non plura monendi
  4. Fuluius esse locum. rapiunt sibi quisque laborem.
  5. quos ubi tam erectos animi uidet, et super esse
  6. factorum sibi quemque ducem, ruit impete uasto
  7. ad portam magnaeque optat discrimina famae.
  8. Tres claustra aequaeuo seruabant corpore fratres,
  9. quis delecta manus centeni cuique ferebant
  10. excubias unaque locum statione tenebant.
  11. forma ex his Numitor, cursu plantaque uolucri
  12. praestabat Laurens, membrorum mole Taburnus.