Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. signaret, grato paruae mollitus amore
  2. nutrierat sensusque hominis donarat alendo.
  3. inde exuta feram docilisque accedere mensis
  4. atque ultro blanda attactu gaudebat erili.
  5. aurato matres adsuetae pectine mitem
  6. comere et umenti fluuio reuocare colorem.
  7. numen erat iam cerua loci, famulamque Dianae
  8. credebant, ac tura deum de more dabantur.
  9. haec aeui uitaeque tenax felixque senectam
  10. mille indefessos uiridem duxisse per annos
  11. saeclorum numero Troianis condita tecta
  12. aequabat. sed iam longo nox uenerat aeuo.
  13. nam, subito incursu saeuorum agitata luporum
  14. qui noctis tenebris urbem (miserabile bello
  15. prodigium) intrarant, primos ad luminis ortus
  16. extulerat sese portis pauidaque petebat
  17. consternata fuga positos ad moenia campos.
  18. exceptam laeto iuuenum certamine ductor
  19. mactat, diua, tibi (tibi enim haec gratissima sacra)