Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. erigere et uerbis temptabat sistere mentes.
  2. atque hic perlustrans aditus fulgentia cernit
  3. arcis templa iugo, quorum tum Virrius, altae
  4. immitis ductor Capuae, primordia pandit.
  5. Non est hoc inquit ‘nostri, quod suspicis, aeui:
  6. maiores fecere manus. cum regna timeret
  7. Dictaei regis (sic fama est) linquere terras
  8. Daedalus inuenit nec toto signa sequenti
  9. orbe dare, aetherias aliena tollere in auras
  10. ausus se penna atque homini monstrare uolatus.
  11. suspensum hic librans media inter nubila corpus
  12. enauit superosque nouus conterruit ales.