Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. His dictis grates agit ac turbata per auras
  2. deuolat et prensa iuuenis Saturnia dextra
  3. ‘Quo ruis, o uecors, maioraque bella capessis
  4. mortali quam ferre datum?’ Iuno inquit (et atram
  5. dimouit nubem ueroque apparuit ore)
  6. ‘non tibi cum Phrygio res Laurentiue colono:
  7. en, age (namque, oculis amota nube parumper,
  8. cernere cuncta dabo), surgit qua celsus ad auras,
  9. aspice, montis apex, uocitata Palatia regi
  10. Parrhasio plena tenet et resonante pharetra
  11. intenditque arcum et pugnas meditatur Apollo.
  12. at, qua uicinis tollit se collibus altae
  13. molis Auentinus, uiden', ut Latonia uirgo