Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Poenus ut ad somnos uix totam cursibus actae
  2. indulsit pubi noctem, uigil ipse nec ullam
  3. ad requiem facilis credensque abscedere uitae
  4. quod sopor eripiat tempus, radiantibus armis
  5. induitur Nomadumque iubet prorumpere turmas.
  6. inde leuis frenis circum pauitantia fertur
  7. quadrupedante sono perculsae moenia Romae.
  8. nunc aditus lustrat, clausas nunc cuspide pulsat
  9. infesta portas fruiturque timore pauentum.
  10. nunc lentus celsis astans in collibus intrat
  11. urbem oculis discitque locos causasque locorum.
  12. ac legeret uisu cuncta et penetraret in omnis
  13. spectando partis, ni magno turbine adesset