Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. anxius euentus, nunc ferro frangere coetum
  2. obstantum meditatur, init nunc auia coepto
  3. consilia atque astu quaerit tot milia portis
  4. abstrahere artatis cinctosque resoluere muros.
  5. sic igitur secum curasque ita corde fatigat:
  6. ‘Quo, mens aegra, uocas? rursusne pericula sumam
  7. non aecus regione loci, Capuaque uidente
  8. terga dabo? an residens uicini uertice montis
  9. excindi ante oculos patiar socialia tecta?
  10. non ita me experti Fabius Fabiique magister
  11. turbatum, Hesperio cum clausos milite collis
  12. euasi uictor sparsosque per arua iuuencos