Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. semermemque manum sternendam obiecerat hosti.
  2. bis septem demissa neci (nec substitit agmen)
  3. milia, bis septem, quae non sollertior ense,
  4. sed genus insignis, iustis ducebat in armis
  5. Fuluius: ast aeque per corpora fusa iacentum
  6. raptum iter est, uictorque moram non passus eundi.
  7. exequiae tantum famam nomenque uolentem
  8. mitificae mentis tenuerunt funere laeto.
  9. namque per insidias, infandum, et ab hospite caesus,
  10. conloquium et promissa petit dum perfida gentis
  11. Lucanae, Gracchus caeco circumdatus astu
  12. occiderat, laudemque Libys rapiebat humandi.
  13. Sed nunc, ut scitum celerare ad moenia Poenum,