Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. adlatum, uulgique deus peruenit ad auris,
  2. in Capitolinas certatim scanditur arces,
  3. sternunturque Ioui et delubrum sanguine honorant;
  4. tum paeana canunt responsaque fida precantur.
  5. Interea adsuetis senior Torquatus in armis
  6. Sardoas patrio quatiebat milite terras.
  7. namque ortum Iliaca iactans ab origine nomen
  8. in bella Hampsagoras Tyrios renouata uocarat.
  9. proles pulchra uiro nec tali digna parente
  10. Hostus erat, cuius fretus fulgente iuuenta
  11. ipse asper paci crudos sine uiribus annos
  12. barbarici studio ritus refouebat in armis.
  13. isque ubi Torquatum raptim properata ferentem
  14. signa uidet pugnaeque auidas accedere dextras,
  15. fraude loci nota latebrosa per auia saltus
  16. euolat et prouisa fugae compendia captans
  17. uirgulta tegitur ualle ac frondentibus umbris.
  18. Insula fluctisono circumuallata profundo
  19. fastigatur aquis compressaque gurgite terras