Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. aegida turbato quatientem in proelia mundo.’
  2. atque ea Parnasi postquam clamata sub antris
  3. adlatum, uulgique deus peruenit ad auris,
  4. in Capitolinas certatim scanditur arces,
  5. sternunturque Ioui et delubrum sanguine honorant;
  6. tum paeana canunt responsaque fida precantur.
  7. Interea adsuetis senior Torquatus in armis
  8. Sardoas patrio quatiebat milite terras.
  9. namque ortum Iliaca iactans ab origine nomen
  10. in bella Hampsagoras Tyrios renouata uocarat.
  11. proles pulchra uiro nec tali digna parente
  12. Hostus erat, cuius fretus fulgente iuuenta