Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. centum festa Ioui: centum cadat hostia cultris.
  2. ille trucem belli nubem saeuasque procellas
  3. in Libyam uiolentus aget: spectabitis ipsi
  4. aegida turbato quatientem in proelia mundo.’
  5. atque ea Parnasi postquam clamata sub antris
  6. adlatum, uulgique deus peruenit ad auris,
  7. in Capitolinas certatim scanditur arces,
  8. sternunturque Ioui et delubrum sanguine honorant;
  9. tum paeana canunt responsaque fida precantur.
  10. Interea adsuetis senior Torquatus in armis
  11. Sardoas patrio quatiebat milite terras.
  12. namque ortum Iliaca iactans ab origine nomen
  13. in bella Hampsagoras Tyrios renouata uocarat.
  14. proles pulchra uiro nec tali digna parente
  15. Hostus erat, cuius fretus fulgente iuuenta
  16. ipse asper paci crudos sine uiribus annos
  17. barbarici studio ritus refouebat in armis.
  18. isque ubi Torquatum raptim properata ferentem
  19. signa uidet pugnaeque auidas accedere dextras,
  20. fraude loci nota latebrosa per auia saltus