Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. certatim ostentant et dis ultoribus enses.
  2. ille dies primus docuit, quod credere nemo
  3. auderet superis, Martis certamine sisti
  4. posse ducem Libyae. raptant currusque uirosque
  5. Massylamque feram, et uiuis auulsa reportant
  6. tegmina bellantum atque abeunt, sub cuspide terga
  7. contenti uidisse ducis. tum Martis adaequant
  8. Marcellum decori: graditur comitante triumpho
  9. maior quam ferret cum uictor opima Tonanti.
  10. Inde furens, postquam uallo uix depulit hostem,
  11. ductor Agenoreus ‘Quando hanc quantoque cruore
  12. hostili labem eluerim? mea terga uidere
  13. contigit Ausoniae? mene,’ inquit ‘summe deorum,