Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. gloria et Euganeis dilectum nomen in oris.
  2. huic pater Eridanus Venetaeque ex ordine gentes
  3. atque Apono gaudens populus, seu bella cieret
  4. seu Musas placidus doctaeque silentia uitae
  5. mallet et Aonio plectro mulcere labores,
  6. non ullum dixere parem, nec notior alter
  7. Gradiuo iuuenis nec Phoebo notior alter.
  8. qui postquam, effusis urgens uestigia frenis
  9. Poenorum, iuxta galeam atque insigne perempti
  10. agnouit spolium Pauli (puer illa gerebat
  11. non paruo laetus ductoris munere Cinyps,
  12. dilectus Poeno Cinyps, quo gratior ora