Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. fundimus, et nullus nostro de uulnere sanguis.
  2. uerum, agite, o mea turba, precor (nunc tempus), adeste
  3. et Tyriam pubem tacitis exurite telis.
  4. amplexu multoque mero somnoque uirorum
  5. profliganda acies, quam non perfregerit ensis,
  6. non ignes, non immissis Gradiuus habenis.
  7. combibat inlapsos ductor per uiscera luxus,
  8. nec pudeat picto fultum iacuisse cubili,
  9. nec crinem Assyrio perfundere pugnet amomo.
  10. ille sub hiberno somnos educere caelo
  11. iactator tectis malit consumere noctes,
  12. ac ponat ritus uescendi saepe citato
  13. dum residet sub casside equo, discatque Lyaeo
  14. imbellem donare diem. tum deinde madenti
  15. post epulas sit grata chelys, segnisque soporas
  16. aut nostro uigiles ducat sub numine noctes.’
  17. Haec postquam Venus, adplaudit lasciuus et alto
  18. mittit se caelo niueis exercitus alis.
  19. sentit flammiferas pubes Maurusia pennas,