Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. tu contra iuuenem et caput hoc abscidere rebus
  2. turbatis, o Paule, paras? nunc Hannibal ipsi
  3. (tam laetus bello est) ausit certare Tonanti.
  4. et iam conuersis (uidi nam flectere) habenis
  5. euasit Varro ac sese ad meliora reseruat.
  6. sit spatium fatis, et, dum datur, eripe leto
  7. hanc nostris maiorem animam: mox bella capesses.’
  8. Ad quae suspirans ductor: ‘Mortemne sub armis
  9. cur poscam, causa ista parum est, quod talia nostrae
  10. pertulerunt aures suadentem monstra Metellum?
  11. i, demens, i, carpe fugam. non hostica tela
  12. excipias tergo, superos precor. integer, oro,
  13. intactusque abeas atque intres moenia Romae
  14. cum Varrone simul. talin', pauidissime, dignum
  15. me uita pulchraque indignum morte putasti?
  16. quippe sinit Poenus, qui nunc contraria bella
  17. ipsi ferre Ioui ualeat. pro degener altae