Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. cernuus inflexo sonipes effuderat armo:
  2. ‘Vmbraene Ausoniae rediuiua bella retractant
  3. post obitum dextra nec in ipsa morte quiescunt?’
  4. sic ait atque aegrum coeptanti attollere corpus
  5. arduus insurgens totum permiscuit ensem.
  6. Ecce, Cydonea uiolatus harundine plantam,
  7. Lentulus effusis campum linquebat habenis,
  8. cum uidet in scopulo rorantem saxa cruore
  9. toruoque obtutu labentem in Tartara Paulum.
  10. mens abiit, puduitque fugae. tum uisa cremari
  11. Roma uiro, tunc ad portas iam stare cruentus
  12. Hannibal; Aetoli tum primum ante ora fuere
  13. sorbentes Latium campi. ‘Quid deinde relictum
  14. crastina cur Tyrios lux non deducat ad urbem,
  15. deseris in tantis puppim si, Paule, procellis?
  16. testor caelicolas,’ inquit ‘ni damna gubernas
  17. crudelis belli uiuisque in turbine tanto