Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. en, reddo tua tela tibi: memorabilis ista
  2. a nobis melius discet bellare iuuentus.’
  3. sic propria miseri transfigit pectora corno.
  4. At contra, horrendum, bis terna spicula dextra
  5. torta uolant, paribusque ruunt conatibus hastae:
  6. haud secus ac Libyca fetam tellure leaenam
  7. uenator premit obsesso cum Maurus in antro,
  8. inuadunt rabidi iam dudum et inania temptant
  9. nondum sat firmo catuli certamina dente.
  10. consumit clipeo tela et collectus in arma
  11. sustinet urgentis crepitantibus ictibus hastas
  12. Sidonius ductor, nec iam per uulnera credit
  13. aut per tot caedes actum satis, iraque anhelat,
  14. ni leto det cuncta uirum iungatque parenti
  15. corpora et excidat miseros cum stirpe penatis.
  16. Tunc Abarim adfatur (namque una hic armiger ira
  17. flammabat Martem atque omnis comes ibat in actus):