Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. tandem condensis artae testudinis armis
  2. subducti Poeni uallo caecaque latebra
  3. pandunt prolapsam suffossis moenibus urbem.
  4. terribilem in sonitum procumbens aggere uicto
  5. Herculeus labor atque immania saxa resoluens
  6. mugitum ingentem caeli dedit. Alpibus altis
  7. aeriae rupes scopulorum mole reuulsa
  8. haud aliter scindunt resonanti fragmine montem.
  9. surgebat cumulis etiam tum prorutus agger,
  10. obstabatque iacens uallum, ni protinus instent
  11. hinc atque hinc acies media pugnare ruina.
  12. Emicat ante omnis primaeuo flore iuuentae
  13. insignis Rutulo Murrus de sanguine (at idem
  14. matre Saguntina Graius geminoque parente