Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Hesternisque rubens deiecta est herba coronis,
  2. Atque suas potuit dicere nemo rosas.
  3. O dilecta deis, o magni Caesaris arbor,
  4. Ne metuas ferrum sacrilegosque focos.
  5. Perpetuos sperare licet tibi frondis honores:
  6. Non Pompeianae te posuere manus.
  1. Tinctis murice vestibus quod omni
  2. Et nocte utitur et die Philaenis,
  3. Non est ambitiosa nec superba:
  4. Delectatur odore, non colore.
  1. Ad cenam invitant omnes te, Phoebe, cinaedi.
  2. Mentula quem pascit, non, puto, purus homo est.
  1. Herculis in magni voltus descendere Caesar