Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Aureolis futui cum possit Galla duobus
  2. Et plus quam futui, si totidem addideris:
  3. Aureolos a te cur accipit, Aeschyle, denos?
  4. Non fellat tanti Galla. Quid ergo? Tacet.
  1. Tibi, summe Rheni domitor et parens orbis,
  2. Pudice princeps, gratias agunt urbes:
  3. Populos habebunt; parere iam scelus non est.
  4. Non puer avari sectus arte mangonis
  5. Virilitatis damna maeret ereptae,