Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Tarpeia summi saxa dum patris stabunt,
  2. Dum voce supplex dumque ture placabit
  3. Matrona divae dulce Iuliae numen:
  4. Manebit altum Flaviae decus gentis
  5. Cum sole et astris cumque luce Romana.
  6. Invicta quidquid condidit manus, caeli est.
  1. Pauper amicitiae cum sis, Lupe, non es amicae,
  2. Et queritur de te mentula sola nihil.