Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Omnes aut vetulas habes amicas
  2. Aut turpes vetulisque foediores.
  3. Has ducis comites trahisque tecum
  4. Per convivia, porticus, theatra.
  5. Sic formosa, Fabulla, sic puella es.
  1. Sanctorum nobis miracula reddis avorum
  2. Nec pateris, Caesar, saecula cana mori,
  3. Cum veteres Latiae ritus renovantur harenae
  4. Et pugnat virtus simpliciore manu.
  5. Sic priscis servatur honos te praeside templis,
  6. Et casa tam culto sub Iove numen habet;
  7. Sic nova dum condis, revocas, Auguste, priora
  8. Debentur quae sunt quaeque fuere tibi.
  1. Non per mystica sacra Dindymenes,