Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Felix, quae tenerum vexabit sponsa maritum
  2. Et quae te faciet prima puella virum!
  1. Pars maxillarum tonsa est tibi, pars tibi rasa est,
  2. Pars vulsa est. Unum quis putat esse caput?
  1. Nescit, cui dederit Tyriam Crispinus abollam,
  2. Dum mutat cultus induiturque togam.
  3. Quisquis habes, umeris sua munera redde, precamur:
  4. Non hoc Crispinus te, sed abolla rogat.
  5. Non quicumque capit saturatas murice vestes,
  6. Nec nisi deliciis convenit iste color.