Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Fartus papyro dum tibi torus crescit,
  2. Flentes superbus basiabit eunuchos;
  3. Tuoque tristis filius, velis nolis,
  4. Cum concubino nocte dormiet prima.
  1. Priscus ab Aetnaeis mihi, Flacce, Terentius oris
  2. Redditur: hanc lucem lactea gemma notet;
  3. Defluat et lento splendescat turbida lino
  4. Amphora centeno consule facta minor.
  5. Continget nox quando meis tam candida mensis?
  6. Tam iusto dabitur quando calere mero?