Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Quid tibi cum phiala, ligulam cum mittere possis,
  2. Mittere cum possis vel cocleare mihi,—
  3. Magna nimis loquimur—cocleam cum mittere possis,
  4. Denique cum possis mittere, Paule, nihil?
  1. Archetypum Myos argentum te dicis habere.
  2. Quod sine te factum est, hoc magis archetypum est?