Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Invitas ad aprum, ponis mihi, Gallice, porcum.
  2. Hybrida sum, si das, Gallice, verba mihi.
  1. Esse tibi videor saevus nimiumque gulosus,
  2. Qui propter cenam, Rustice, caedo cocum.
  3. Si levis ista tibi flagrorum causa videtur,
  4. Ex qua vis causa vapulet ergo cocus?
  1. Si quid forte petam timido gracilique libello,
  2. Inproba non fuerit si mea charta, dato.