Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Gulosus ille, postero die vendit.
  1. Haec est illa dies, magni quae conscia partus
  2. Lucanum populis et tibi, Polla, dedit.
  3. Heu! Nero crudelis nullaque invisior umbra,
  4. Debuit hoc saltem non licuisse tibi.
  1. Vatis Apollinei magno memorabilis ortu
  2. Lux redit: Aonidum turba, favete sacris.
  3. Haec meruit, cum te terris, Lucane, dedisset,
  4. Mixtus Castaliae Baetis ut esset aquae.
  1. Phoebe, veni, sed quantus eras, cum bella tonanti
  2. Ipse dares Latiae plectra secunda lyrae.
  3. Quid tanta pro luce precer? Tu, Polla, maritum
  4. Saepe colas et se sentiat ille coli.
  1. Cum Iuvenale meo quae me committere temptas,