Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Cum mittis turdumve mihi quadramve placentae,
  2. Sive femur leporis, sive quid his simile est,
  3. Buccellas misisse tuas te, Pontia, dicis.
  4. Has ego non mittam, Pontia, sed nec edam.
  1. Ille sacri lateris custos Martisque togati,
  2. Credita cui summi castra fuere ducis,
  3. Hic situs est Fuscus. Licet hoc, Fortuna, fateri:
  4. Non timet hostiles iam lapis iste minas;