Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Non Phoebi vada principesque Baiae.
  2. Nusquam tam nitidum vacat serenum:
  3. Lux ipsa est ibi longior, diesque
  4. Nullo tardius a loco recedit.
  5. Illic Taygeti virent metalla
  6. Et certant vario decore saxa,
  7. Quae Phryx et Libys altius cecidit.
  8. Siccos pinguis onyx anhelat aestus
  9. Et flamma tenui calent ophitae:
  10. Ritus si placeant tibi Laconum,
  11. Contentus potes arido vapore
  12. Cruda Virgine Marciave mergi;
  13. Quae tam candida, tam serena lucet,
  14. Ut nullas ibi suspiceris undas
  15. Et credas vacuam nitere lygdon.
  16. Non adtendis, et aure me supina