Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Cum dixti mihi 'Sume, tolle, dono',
  2. Deberem tibi, Paete, pro ducentis.
  3. At nunc cum dederis diu moratus,
  4. Post septem, puto, vel novem Kalendas,
  5. Vis dicam tibi veriora veris?
  6. Sex sestertia, Paete, perdidisti.
  1. Uxorem, Charideme, tuam scis ipse sinisque
  2. A medico futui: vis sine febre mori.
  1. Cum dubitaret adhuc belli civilis Enyo
  2. Forsitan et posset vincere mollis Otho,