Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. An potes et non vis? Rogo, non est turpius istud?
  2. I, tibi dispereas, Gaure: pusillus homo es.
  1. Insequeris, fugio; fugis, insequor; haec mihi mens est:
  2. Velle tuum nolo, Dindyme, nolle volo.
  1. Iam tristis nucibus puer relictis
  2. Clamoso revocatur a magistro,
  3. Et blando male proditus fritillo,
  4. Arcana modo raptus e popina,
  5. Aedilem rogat udus aleator.
  6. Saturnalia transiere tota,