Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Quo calet igne deus? 'Pueri.' Cur mitis aperto
  2. Respicis ore Iovem? 'De Ganymede loquor.'
  1. Cui tradas, Lupe, filium magistro,
  2. Quaeris sollicitus diu rogasque.
  3. Omnes grammaticosque rhetorasque
  4. Devites, moneo: nihil sit illi
  5. Cum libris Ciceronis aut Maronis,
  6. Famae Tutilium suae relinquat;
  7. Si versus facit, abdices poetam.
  8. Artes discere vult pecuniosas?
  9. Fac discat citharoedus aut choraules;