Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Cui conparatus indecens erat pavo,
  2. Inamabilis sciurus et frequens phoenix:
  3. Adhuc recenti tepet Erotion busto,
  4. Quam pessimorum lex amara fatorum
  5. Sexta peregit hieme, nec tamen tota,
  6. Nostros amores gaudiumque lususque—
  7. Et esse tristem me meus vetat Paetus,
  8. Pectusque pulsans pariter et comam vellens:
  9. 'Deflere non te vernulae pudet mortem?
  10. Ego coniugem' inquit 'extuli, et tamen vivo,
  11. Notam, superbam, nobilem, locupletem.'
  12. Quid esse nostro fortius potest Paeto?