Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Sic tamquam tibi res peracta non sit,
  2. Quae prima quoque pagina peracta est.
  3. Iam lector queriturque deficitque,
  4. Iam librarius hoc et ipse dicit
  5. 'Ohe, iam satis est, ohe, libelle.'
  1. Hoc tibi, Palladiae seu collibus uteris Albae,
  2. Caesar, et hinc Triviam prospicis, inde Thetin,
  3. Seu tua veridicae discunt responsa sorores,
  4. Plana suburbani qua cubat unda freti,
  5. Seu placet Aeneae nutrix, seu filia Solis,