Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Te patrios miscere iuvat cum coniuge census,
  2. Gaudentem socio participique viro.
  3. Arserit Euhadne flammis iniecta mariti,
  4. Nec minor Alcestin fama sub astra ferat:
  5. Tu melius: certo meruisti pignore vitae,
  6. Ut tibi non esset morte probandus amor.
  1. Milia misisti mihi sex bis sena petenti:
  2. Ut bis sena feram, bis duodena petam.
  1. Numquam divitias deos rogavi
  2. Contentus modicis meoque laetus: