Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Tecum ter denas numeravi, Postume, brumas:
  2. Communis nobis lectus et unus erat.
  3. Iam donare potes, iam perdere, plenus honorum,
  4. Largus opum: expecto, Postume, quid facias.
  5. Nil facis, et serumst alium mihi quaerere regem.—
  6. Hoc, Fortuna, placet? 'Postumus inposuit.'