Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Qui norunt dominum manumque lambunt
  2. Illam, qua nihil est in orbe maius.
  3. Quid, quod nomen habent et ad magistri
  4. Vocem quisque sui venit citatus?
  5. Hoc quondam Libys impius profundo,
  6. Dum praedam calamo tremente ducit,
  7. Raptis luminibus repente caecus
  8. Captum non potuit videre piscem,
  9. Et nunc sacrilegos perosus hamos
  10. Baianos sedet ad lacus rogator.
  11. At tu, dum potes, innocens recede
  12. Iactis simplicibus cibis in undas,
  13. Et pisces venerare delicatos.
  1. Quod cupis in nostris dicique legique libellis
  2. Et nonnullus honos creditur iste tibi,
  3. Ne valeam, si non res est gratissima nobis
  4. Et volo te chartis inseruisse meis.
  5. Sed tu nomen habes averso fonte sororum